Nûbihar 165
NAVEROK
04 Feyzoyê Riza mir, derzek li movika pişta min ket… Salih Kevirbirî
08 Çavlirêya Edaletê Rojen Barnas
09 Serdanek li Selpakfiroşa Kawa Nemirî Berken Bereh
10 Bîranînên Aslîka Qadir Rohat Alakom
14 Hesen Hişyarê Serdî û Bîranîna Wî ya Jibîrkirî Şiyar Silêman
16 Gelo Bêyî Kurdan Nivîsîna Dîroka Komara Tirkiyeyê Pêkan e? Murad Celalî
21 Baz Kawa Nemir
22 Pêlek Mihefezekar Cîhan Roj
29 Gur Talat İnanç
30 Roja Reş Mîroyê Esed / Amadekar: Mustafa Kılıçaslan
33 DOSYE: ZIMANÊ KURDÎ: QUO VADÎS? Edîtor: Abdullah Încekan
35 Di sedsala 21ê de Kurdî: Zimanek bi çi dijî? Abdullah Încekan
40 Çend Gotin li ser Felsefeya Ziman: Ziman Hebûn e Îbrahîm Bor
43 Psîkolojî û Ziman Jan Îlhan Kizilhan
48 Ziman û xizmetên tenduristiyê Tevfik Bayram
51 Dîrokçeyeke Perwerde û Hînkirina Kurdî li Tirkiyeyê Şehmus Kurt
57 Li Tirkiyê rewş û pêşeroja zimanê Kurdî Lêkolînên sehayî çi dibêjin? Reha Ruhavioğlu
60 Pêşeroja zimanê Kurdî: Zimanzanên biyanî çi difikirin? Prof. Dr. Joanna Bocheńska, Prof Dr. Geoffrey Haig, Prof. Dr. Christoph Schroeder
63 Kurdî çi tîne bîra zarok û ciwanan? Amadekar: Miradxan Şemzînanî & Abdullah İncekan
64 Sîne ji agirê dil Hafizê Şîrazî / Wergera ji Farisî: Hayrullah Acar
65 Nanê Parsê Felat Dilgeş
67 Heft Haykoyên Heftane Sidîq Gorîcan
68 Barkirina ji bajarekî M. Zahir Ertekin
69 Sala 1928 li Viyenayê penaberên ji Kurdistanê Îbrahîm Bulak
75 Gotûbêjek Digel Dayikê Arif Yûsif Zemanî / Wergera ji Farisî: Yunus Dilkoçer
76 Prîskê Mihoyî: Ger lal bihatama vê cîhanê, ezê her tenê fêrî zimanê dayika xwe bûma! Hevpeyvîn: Nihat Gultekin
84 Çek û ez Sabri Akbel
87 yarenî Mustafa Berzan Döner
88 Çar Helbestên Çoman Herdî Ji Soranî: Jiyar Homer & Ciwan Qado
90 Helbesta Helbestvan Tekin Çifçi
91 Evîna me, nêr e! Ebru Yılmaz
92 Nêçîra Şebab Kevok Mizgîn
94 Bûka Berfê Mîr Şad
95 Çend Haîkûyên Wabîyîn Zeynep Şemdinoğlu
96 Payîz Rahmetullah Karakaya
96 Li Tûr Abdîn Hekîm Meretoyar
96 Welat Yusuf Abay
96 payîzxêr Azad Rêbiwar
Nivîsa Edîtor Ji jimara 165an merheba! Di nava du mehên dawîn de em beşdarî pêşengehên pirtûkan ên Tetwan, Batman, Stenbol, Îzmîr, Riha û Mûşê bûn. Dema ev kovar bikeve destê we, di meha Kanûnê de înşalah emê li pêşengeha Diyarbekirê bin. Ji bo van pêşengehan me gelek kitêbên nû derxistin û gelek çapên dubare çap kirin. Li ser kitêbên nû hê jî xebat û amadekariyên me dewam dikin. Di van rojan de me salnama Nûbiharê ya 2024an jî derxist. Wekî gelek xwendevan dizanin ev çend sal in em salnamayek seranser bi Kurdî diweşînin. Ev jimara li ber destê we jî di van şertan de derket. Ji ber sedemên min li jor gotin, amadekirina vê kovarê wext girt, li gor hesabê me dikir derengtir derket. *** Di vê jimarê de, bi edîtoriya Abdullah Încekan, bi navê dosyeya “Zimanê Kurdî: Quo Vadîs?” dosyeyek berfireh cih digire. “Quo Vadîs?” tê çi maneyê, kek Abdullah di serê dosyeyê de bi kurtî çîroka wê gotiye. Abdullah Încekan, Îbrahim Bor, Jan Îlhan Kizilhan, Tevfik Bayram, Şehmus Kurt û Reha Ruhavioglu bi keda xwe di vê dosyeyê de cih girtine. Edîtorê dosyeyê Abdullah Încekan ji akademîsyenên biyanî Joanna Boschenska, Geoffrey Haig û Christoph Schroeder jî sê pirs pirsîne û bersivên wan jî dane. Kurdî çi tîne bîra zarokan? Hin zarokan bersiva vê pirsê jî dane. Kesên beşdarî dosyeyê bûne, pirên wan akademîsyen in. Dikarim bi kêfxweşî bibêjim min bi xwe, ji nêrînên wan gelek îstifade kir. Bi vê wesîleyê di serî de ji edîtorê vê dosyeyê ji Abdullah Încekan re û ji kesên ku bi nivîsên xwe ev dosyeya me dewlemend kirine re spasiyek ji dil dikim. *** Helbet naveroka kovarê tenê ji dosyeyê pêk nayê. Gelek hêjayên me, hosteyên peyvan ji nav me bar dikin. Yek ji wan dengbêj Feyzoyê Riza çendek berê çû rehma Xwedê. Di vê jimarê de Salih Kevirbirî li ser dengbêj Feyzoyê Riza nivîsiye. Bi vê wesîleyê em jî ji malbat û hezkiriyên wî re sebr û serxweşiyê dixwazin, rehma Xwedê lê be. Rohat Alakom li ser bîranînên hunermenda navdar Aslîka Qadir nivîsiye. Aslîka Qadir Kurdeke Ermenîstanê ye, 50 sal in distirê û demek berê bîranînên xwe nivîsîbûn. Şiyar Silêman li ser Hesen Hişyarê Serdî nivîsiye. Ew kesê beşdarî hereketa Şêx Seîd bûye, paşê çûye Binê Xetê û li wir jî doza xwe meşandiye. Di van rojên ku 100 saliya komara Tirkiyê di rojevê de ye, Murad Celalî bi sernavê “Gelo Bêyî Kurdan Nivîsîna Dîroka Komara Tirkiyeyê Pêkan e?” nivîsa xwe honaye û bal kişandiye ser hin xebatên nivîskarên Tirk ên di vê çarçoveyê de. Cîhan Roj di nivîsa xwe ya “Pêlek Mihefezekar” de her çiqas nivîsa xwe li dor “mihefezekariya Nûbiharê” bigerîne jî ya rastî di nivîsa xwe de behsa gelek mijarên balkêş ku bi weşangeriya Kurdî ve aleqedar in jî kiriye. Mustafa Kılıçaslan ji romana Miroyê Esed “Roja Reş” beşek amade kiriye. Ev romana han çap nebûye û gelek beşên wê jî wenda ne. İbrahim Bulak mijareke balkêş û nayê zanîn kiriye mijara nivîsa xwe. Sala 1928an 47 Xirîstiyanên Kurdistanê wek penaber çûne Viyenayê. Behsa hatina wan ya bi zehmet û eziyet û jiyana wan ya peyre jî kiriye. Jiyar Homer û Ciwan Qado ji Soranî çar helbestên Coman Herdî wergerandine. Wekî din çîrok û nivîsên Sabri Akbel, Felat Dilgeş, Ebru Yılmaz, Kevok Mizgîn û Mîr Şad hêjayî xwendinê ne. Hevpeyvîna vê jimarê Nihat Gultekin bi Priskê Mihoyî re kiriye. Şairên vê jimarê jî ev in: Rojen Barnas, Berken Bereh, Kawa Nemir, Talat İnanç, Hafizê Şîrazî, Sidîq Gorîcan, M. Zahir Ertekin, Arif Yûsif Zemanî, Mustafa Berzan Döner, Tekin Çifçi, Zeynep Şemdinoğlu, Rahmetullah Karakaya, Hekîm Meretoyar, Yusuf Abay û Azad Rêbiwar. Heta jimara din bi xatirê we. SÜLEYMAN ÇEVİK
