Dengbêjî yek ji wan stûnên herî xurt yê zargotina Kurdî ye. Dengbêj dema ku distirê ne tenê bi xweşiya dengê xwe, herwiha bi mijara kilama xwe bi teşbîh û metaforên zimanê xwe bûyeran ji nû ve di hişê guhdaran de vedijîne. Ev xal dengbêjiyê ji asta muzîkê derdixe û di zargotina Kurdî de li ser textekî nû dide rûniştandin. Dema ku behsa dengbêjî û dengbêjan bibe, bêguman navê ku herî zêde tê ser ziman, dengbêj Şakiro ye. Şakiro bi dengê xwe bi terza vegotina xwe û bi hûnandina teşbîh û tabîrên xwe navê xwe wek efsaneyekê daye nivîsîn. Li gund û bajarên Kurdan, di dawet û cemaatên Kurdan de bandên ku li ber dengê Şakiro hatine tijekirin, carinan di boxçê bûkan de bûne xelat, carinan bûne diyarî di navbera eşîr û egîtan de. Ev berhema di destê we de, em dikarin bibêjin ku heta îro xebata herî berfireh e ku li ser kilamên Şakiro hatiye nivîsîn. 35 heb li ser serhildanê, 183 heb li ser evîniyê, 27 heb di derbarê şerên navxweyî de, 3 heb destan û 18 heb jî di derbarê xwezayê de bi tevahî 266 kilam hatine berhevkirin. Gelek ji van kilaman cara yekem e ku dertên holê. Di vê berhema ku serpêhatiya amadekirina wê ji 10 salan zêde di ber xwe dayî de, kurtejiyana Şakiro û hemû kilamên ku ji aliyê Şakiro ve hatine gotin yek bi yek hatine nivîsîn. Herwiha gelek peyv, nav û teşbîhên ku di kilaman de derbas dibin hatine îzahkirin.
- Etiket fiyatı
- 780,00
- İlk Basım Tarihi
- adarê 2025
- Kitap Adı
- Dengbêj Şakiro Antolojiya Dengbêjan 2
- Yazar Adı
- Ömer Güneş
- Sayfa Sayısı
- 624
- ISBN
- 9786059413435
- Marka
- Nûbihar
- Kategorî
- Folklor
- Türü
- Basılı Kitap
- Yayın Dili
- Kurdî
- Orijinal Dili
- Kurdî
- Kitap Boyutu:
- 210 x 135
- Kapak Kağıt Türü
- Bristol
- Toplam Baskı Sayısı
- 1000
- Güncel Stok Sayısı
- 62
- Yayınevi Alt Markası Adı
- Nûbihar
Ömer Güneş 1979an de li gundê Gomaçawûş a li ser navçeya Vartoyê ye hatiye dunê. Ji Zanîngeha Marmarayê beşa Hiqûqê mezûn bû. 15 sala li Stenbolê parêzertî kir. Di havîna 2019an û pêve ji ber sedemên Kurdî/siyasî li Almanyayê dimîne. Lêkolînerê edebiyata dengbêjiyê ye û di hin kovar û malperên lêkolîneriyê de gotarên wî hatine weşandin. Heta niha çar pirtûkên wî ku bi tevî hevalê xwe Îbrahîm Şahîn amade kiriye, hatine çapkirin. Zewicî ye û keçeke wî heye.
Pirtûkên wî yên ku hatine weşandin:
Dengbêj Reso, Antolojiya Dengbêjan 1, (bi Îbrahîm Şahîn re) Nûbihar, 2018
Dengbêj Şakiro, Antolojiya Dengbêjan 2, (bi Îbrahîm Şahîn re) Nûbihar, 2018
Dengbêj Huseyno, Antolojiya Dengbêjan 3, (bi Îbrahîm Şahîn re) Nûbihar, 2021
Dengbêj Mehmûdê Hesê, Antolojiya Dengbêjan 4, (bi Îbrahîm Şahîn re) Nûbihar, 2023
