Nûbihar

RAÎFÊ BÊÇARE
 

Nûbihar gula bihar
Hêşîn dibin çêre dar
Tu ewqas şirînî jî
Çima ev gel li te sar


Di payîz da Nûbihar
Dîsa pel vedike dar
Rebbê Ehedê Semed
Li me te bike sitar


Şêxêm Ehmedê Xanî
Navê te wî lê danî
Rêya pîroz da here
Bikişe mîna kanî


Motkî Xelîl Xeyalî
Kurdî ra wî kir alî
Li ser bingehê ajot
Nûbihar sêzde salî


Piçûk sêzde salîne
Ji gunehan xalî ne
Ehmedê Xanî nas ke
Em nevyê wî kalî ne



Kulîlk bi rengê xwe ne
Çivîk tev refê xwe ne
Kurdno ji xwe şerm nekin
Gellê bê ziman tine


Kê xwendibe dizane
Ziman tev Xwedê dane
Qedexekirna ziman
Ne mafê tu evdane


Binvîsin û bixwînin
Nîsk û noka biçînin
Ku roja bêderê hat
Hûn keda xwe dibînin