Du Şêr Du Xezal


HAMİT GEYLANİ
 

Serborîya Cizîra rengîn
Du bira Mem û Tajdîn
Du xwişk Sitî û Zîn
Du şêr du xezalên dilbirîn.

Pîrozbayîya cejna Newrozê de
Her wekî çar gulîyên rihanê
Dilek aram hatin meydanê

Destegul pêşkêş hevdu kirin
Gulên biheştî yên geş
Vay li min ji bo qedera pirr reş.

Gustîlên xwe yên durr û cewahir
Veguhastin ser eşqa ku bûye jehir

Sitî desgirtîya Tajdîn
Keserên wî de bûye dîn
Tajdînê mêrxas
Sembolek belengazên pêxas

Zîn welatê gulistan
Mem jî gelê bindestan
Bêbextîya Bekoyê ewwan
Mixabin kete dojeha zîndan
Mîna mûmekê helîya, dilê wî zîz e
Evîna Zînê bo wî pir ezîz e.

Zîna kezebêş xwişka mîr bû
Birca belek de
Kul û kovanên Mem de pîr bû
Ey welatê xemgîn Cizîra Botan
Rojên rizgarî û azad nêz in
Hewl û quweta Yezdan

Em wê helbestê diken Xelat
Bo Mamoste Ehmedê Xanî
Ew darçinarek gelek ciwan î