Mi Hewnên Dî / To ‘Emrê

OMER FARUK ÇETİNKAPLAN

Marda mirê

Emşo mi hewnên dî
Ti vaj ki ‘’Rebbî xeyr çarno Hekê!’’

Dinya hewnêndo kilmeko
Hewnêndo şîrin nêdî to
Xasek çimy nênay pê to
Qaxuyê keyî/Qaxuyê ma
Qaxuyê dinyay to mil
Qesba to veşayê marê
Dost û merdimanrê/imbiryanarê

Mi va ya
Mi hewnên dî
To ‘emrê

Roj babetê/şew babetê
Hirgi nefesêndê to bi hezarana qehrîy
Derdê dinyay kulî vistî to pîze
Nêweşîn to sero bî gran

Mi va ya
Mi hewnên dî
To derdêno bêdarî/Derdêno bêbav...

Nika jî hewn torê heram
Aw torê heram/Nan torê heram

 

Tîya di rehetey nêdî to
Hewnêndo şîrin nêkewt to hewn

Amnanî qazme/Payizî peme
To rojênda hera nêdî
Rojê tengîy ‘emrdê torê fesilneyay
Roj ame qerar deya
Mado tîyadbiyayê demeyên
Ti do ray kewtayê verdê ma

Mi va ya
Mi hewnên dî/To ‘emrê
‘Emrêndo kilm/’Emrêndo bi derd û kul.