Fistiqên Sêrtê

Muhemmed Masûm Dilbirînê Botî

Guh bide carek ez benî

Bi can ji bo tu bikenî

Kî dî li ser dara benî

Wekî van fistiqên Sêrtê

Dema d’bînî ewê darê

Ku fistiq pê de tên xwarê

Gelek hêja ne vê carê

Li bin van fistiqên Sêrtê

Gelek gir û mezin taze

Li ber wan her divêt raze

Ku bistîne gelek dixwaze

Bikirin fistiqên Sêrtê

Çikû tamek xweşik tê de

Ji ên ‘Entabê pir zêde

Nedî keskî ji vir pêde

Wekî van fistiqên Sêrtê

Eger şorkî biqelînî

Serê wan ku bişeqtînî

Ecêb xweş in ku wan bînî

Bixwî van fistqên Sêrtê

Çend qîmetê wan giran e

Çiqas bêjî her hêja ne

Wekî lu’lû û mircan e

Libên van fistiqên Sêrtê

Dor û mador û her alî

Ji fistiqan nema xalî

Mudîr û hakim û walî

Dixwazin fistiqên Sêrtê

Hemî rezên ji fistiqan

Çêtiri j’baxê bindeqan

ji bostan û ji cûseqan

Bizane fistiqên Sêrtê

Dema fistiq bi darê ve

Sor û zer dikin bixemlê ve

Welê kesk in ji navê ve

Dibin ?al? fistiqên Sêrtê

Eva pensên hanê gotî

Tu bes bêje lawê botî

Dilê birîn te pir sotî

Li ser van fistiqên Sêrtê