Li dû te*.....

Bamed Serdar

Li dû te..

Êdî çavên min xeyidî dinerin

Her şevek min mîna êşek dirana ye

Naçarî bû a ku ez lê şikestî

Qutbirîya piştî niviştekê bû a ku li me qewimî

Mîna îsyaneke bêwext bûm li hember te

Dest vala hatibûm zozanê eşqa te

Çav şikestî me berxê

Rûyê xwe li kabokên xwe dipêçim

Mîna kurka piştî berdana çêçikan

Hîn jî li derdorê bi qebqeb im

Li dû te

Mîna mirina bajarekî sor im

Bi bahozan re fermanan hiltînim

û

te

diricimînim..

*Ji ber sebeke teknîkî di jimara 102an de ev şi'ra kêm hatibû weşandin. Niha em bi temamî diweşînin, ji nivîskarê wê û ji xwendevanan lêborînê dixwazin... (Nûbihar)