Hemî kes ceribandim

Mewlana Celaleddînê Romî

Ji farisî: Hayrullah Acar

Hemî kes ceribandim, j'te xweşiktir min nedî.

Noqî binê derya bûm, wek te gewher min nedî.

Min devê kûpan vekir, bi hezaran min ta'm kir,

Wek şeraba te sermest,  bo lêv û ser min nedî.

Çi ecêb di dilê min, gûl û yasmen bişkûvîn?!

Yasemen-berek wek te, li ser sîngê min nedî.

Li pey te min çend rojan, terka miradê xwe kir;

Min fam kir ku miradek, bib mûyesser min nedî.

Du sê rojan bûm xulam, bo padîşahîya te,

Şahek nema ku bo min, nebûn xulam min nedî.

'Aqil go min “Bifire! bona mêvanê gerdûn,

Nigşikestî rûnenê ku ti mêvan min nedî.”

Firîya ser banê te, keboka dil ji qefes,

Wek bilbil kirim fîxan: “Wek te kebok min nedî.”

Li pey wê keboka dil, firîyam mîna bazan,

Ne huma û ne 'enqa'l hemberî xwe min nedî.

Here ey ten perîşan, tu û ew dil poşîman

Ta ji we xelas nebim, dilek dîtir min nedî.