Eşqa Gulê

Hasan Hüseyin Çevik

Li neqeba li sikura li derbenda

Roj vêketa gul vebîya di çîmen da

Eşqa gulê ez serxweş û aqil wenda

Ti nizanî eşqa gulê li min çi kir

Lo bilibilo tu dixwînî zarî zarî

Derdê eşqê bi çend tîra birîndarî

Şûna hêsra ji du çavan xwîn dibarî

Ti nizanî eşqa gulê li min çi kir

Çav xezalê bejn ziravê lê lê dînê

Derketama ser Sîpanê li havînê

Kewa gozel bixwenda li ser hêlînê

Qaz û quling ji vê eşqê hêlîn çêkir

Xelka delal lawê te tê ji nêçîrê

Rabe cotê satila bigre her bîrê

Tasike av bi nîşanîya gistîrê

Ji eşqê karê xezalê çixir çêkir

Gula'x nedî li deşta, ne li berrîya

Ew xerîba şev û roja bigerîya

Li pozê Sîpan min dî bûkek digrîya

Li derbendê asê Sîyamend firîya

Eşqê li derbendê asê anit çêkir

Hasan Husênê Zaxurî hela rabe

Destê li ser te vebe bidîyê sewa be

Eva eşqa cîgersuz bê îlac nabe

Ti nizanî eşqa gulê li min çi kir