Welatê sê reng

Îsmet Behrewanî   

Ew welatê ku Xwuda bi mizgînî da min          

Xweşikbûna welêt bûbû bela serê min

Neyar hez kir welatê xweşik min re parke

Canê min bike du par û ji hev cuda ke

Gurçik alîkî, dil alîkî disekine?

Rojek dê bêje neyar li min bisekine

Xeml ewe kesk û zer û sor

Zerê dikşînin ber jêr û ber jor

Welat parçe kirin xistin çar par

Bila neyê bîrkirin tola pêrar û par

Welatê min dest min girtin bi pest û pêkutî

Gelê min hê jî bêbextîyan re dan dikutî

Neyaran xerakirina welêt pêkanîn

Gelê min sekinîye bi zur nêrîn û pê kenîn

Xwedî namus xwe bike yek pirs

Bila dil û fikra te de çênebe tirs

Çêbûna tirsê wendakirina tiştekî ye

Jixwe te jibo tiştekî tu kar nekirye

Serê xwe rake binêre ew roja rûken niha digirî

Azadî bûye teyrek çûye ser çîyayê agirî

Lo kurdo tu ji xwe re bikî kar çavnebarî û zikreşî

Karê dê derê pêşî te bi rûreşî

Evîn û rêz ji xwe re bike kar

Hewlek bide, tê jî bibî xwedî par