Bêdîn im, îman berdayî

Arjen arî

Hisret û meyl û tenayî

Ne şîyar im, ne  razayî,

Li ber çavan tu xuya yî.

Xewa heyi evînê bir,

Hisret ji meylê re bû pir,

Xwe berda dil b'dujminayî.

Xwe berda... Kûr xwe berda,

Ji lêvan xwe berjêr berda;

Kasa meyger de tenayî...

Meyger, ev kas ya çenda ye?

Bi navê bedo, te mey maye,

Tahm-hisret  reng-sûrîyayî?

Meyger, meyek din werîne.

Hizr û meylê jê derîne,

Da bide min tahmek xudayî

Wê şevê, derengî şevê

Berdam meyger, berdam xewê

Kase bûn lêvên bedewê.

Bedew hizr e bedew meyl e

Qeyse wê me j'min re leyl e

Evîndar û dil memdayî

Şewt ne bes, kizîn nebes e?

Ev şev û mey û ev kase...

Bêdîn im, îman berdayî!...