Behra Wanê

Wehbî Azad

G ol e ew, lê dil da Derya

Dîyarê xweş bêhnvedanê

Di Kurdistan da rîz-zerya

Zehf şirîn e Behra Wanê.

Aso şîn, ava behrê şîn

Bi dengê qulingan rengîn

Aheng e zivistan, havîn

Xemrevîn e Behra Wanê

Kesk e bi dar, çêre, derdor

Pêl pêşwazî dikin jêr, jor

Girava Tamara bandor

Nazenîn e Behra Wanê

Bi derya xwe dilşa ye Wan

Dîtin, ji herkes re vîyan

Nav û deng, nayê ser ziman

Dilevîn e Behra Wanê.