Mîras

W.K Merdimîn

B ê xaye û bê mana

Çi şimit û werd

Ha luwela rûnin, ha nano veng

Ha pê xaşa û gale kirişt,

Ha pê wirdês û çeng

Ha sîm, ha zerd

To se kerd

Û xo reyde çi berd

Sewbîna heme çî bêqiymet o.

Bele!

Se ser verê cû ma ça bî?

Se ser cuwa pê ma hey ça?

Seke estanik bo

Cayek bîyo, cayek çin bîyo..

Her çend

Ma mihînî xo kuwa

Ling şa erd ro

Ti vanî qey

Heta peynî

Dergaderg

Pê keyf û şayî ma ko bicuwîyi

biramo na govend

Bêmerg.

La,

Peynîya peyên de.

Zerra safî ra, pê qelbo selîm*

Kamî xo ra ver çi şawit

Û xo dim a çi verda

Zad û zowda,

Roşn û çila

O tede şino uqba

O beno vila..

Hezîrane-2006

*Aya roje de faydeyê mal û ewladî çew rê çin o.

Labelê, kamo ke pê “qelbo selîm” bêro Homayî het aw xelisyaye yo.

(Qur’an-Sureyê şuara, 2/88-89)